Top 1 most wanted, 1 pa utas sa shootout
CAVITE, Philippines – Bulagta ang dalawa katao kabilang ang isang tinaguriang top 1 most wanted person dahil sa pagiging lider ng criminal group makaraang kapwa manlaban sa magkasunod na operasyon ng pulisya sa General Trias City kamakalawa.
Sa ulat, dakong alas-11:00 ng umaga, nilusob ng dalawang team ng Gen. Trias City Police ang Tropical Village, Pabahay 2000, Brgy. San Francisco kung saan unang target ang suspek na si Oliver Morris Cornejo sa buy-bust operation. Pero habang nasa negosasyon, nakahalata umano ang suspek na pulis ang katransaksyon kaya pinaputukan ang mga operatiba sanhi ng shootout hanggang sa tumimbuwang si Cornejo.
Sa nasabi ring lugar, napatay din ang 2nd target na si Reynaldo Jamarol Salamat, lider umano ng “Salamat Criminal Group” at may kasong murder. Aarestuhin na sana si Salamat pero nanlaban kaya pinaputukan ng mga pulis. Nakuha mula sa kanya ang isang cal. 45 pistol.
- Latest
