P5 milyong cocaine nalambat sa Quezon

JOMALIG, Quezon - Isa na namang bloke ng hinihinalang high grade cocaine na nagkakahalaga ng P5 milyon ang natagpuan sa tabing dagat ng Barangay Apad ng bayang ito, kamakalawa ng hapon.

Ayon sa ulat ng pulisya, bandang alas 5:00 ng hapon ay naglalakad sa baybay dagat ang mangingisdang si Jose Mendoza nang makatawag ng pansin sa kanya ang isang kulay brown na kahon kung kaya’t agad siyang nakipag-ugnayan sa mga barangay officials. Nang buksan ang kahon ay doon na tumambad ang kulay puting pulbos na hinihinalang cocaine.

Umaabot sa isang kilo ang natagpuang kontrabandong ilegal na droga na dinala na sa Quezon crime laboratory upang isailalim sa pagsusuri.