Tanod tigok, misis kritikal sa ratrat
TUGUEGARAO CITY, Cagayan, Philippines – Patay ang isang tanod ng barangay habang malubha naman ang kanyang misis matapos ratratin umano ng mga hinihinalang miyembro ng New People’s Army (NPA ang kanilang tahanan sa Brgy. Del Pilar, San Mariano, Isabela noong Miyerkules.
Sa report na nakara-ting kay Police Major Ferdimer Quitevis, hepe ng San Mariano Police Station, dakong alas-8:30 ng gabi nang sumalakay ang mga berdugo na nagresulta sa agad na kamatayan ni Sammy Pohayon, 37-anyos.
Sugatan naman ang misis ng biktima na si Phyliz, 25, na dinala sa Governor Faustino Dy III Memorial Hospital sa Ilagan City.
Ayon sa mga kaanak, ilang mga armadong nagpakilalang miyembro ng NPA ang nakitang uma-aligid sa bahay ni Pohayon ilang araw bago ang nangyaring pag-atake.
- Latest
