4-anyos ni-rape slay, itinapon sa fishpond
NORTH COTABATO, Philippines — Kalunos-lunos na kamatayan ang sinapit ng isang 4-anyos na batang babae na pinaniniwalaang ginahasa muna bago itinapon ang bangkay nito sa fish pond sa Sitio Mangani, Brgy. Tapak, Paquibato District, Davao City, Sabado ng umaga.
Kinilala ang biktima na si Wendy Man-ologan, isang day care pupil sa nabanggit na lugar.
Sa ulat na nakarating sa Paquibato Police Station, ala-1:00 ng madaling araw ng nasabi ring araw nang madiskubre ng mga magulang na nawawala ang batang anak kung kaya’t agad silang naghanap sa tulong ng mga kapitbahay.
Nakita ang katawan ng biktima na wala nang buhay ng isang kapitbahay na tumulong sa paghahanap sa bata nang sumikat na ang araw kung saan natagpuang palutang-lutang sa fish pond ang biktima, may ilang metro ang layo mula sa kanilang tahanan.
Inakalang nalunod lamang ang bata ngunit lumalabas sa paunang imbestigasyon ng pulisya na nakitaan ito ng mga sugat sa kanyang bibig at nag-iba na ang porma ng kanyang pribadong parte ng katawan kung kaya’t malaki ang posibilidad na siya ay ginahasa at pinatay.
- Latest