Rider, pedestrian tigok sa road crash
MANILA, Philippines – Dalawa ang patay kabilang ang isang motorcylce rider at ang sinalpok nitong pedestrian sa Purok Ilang-Ilang, Brgy. Saravie, Koronadal City, nitong Miyerkules ng hapon.
Kinilala ng Koronadal City-PNP ang nasawing driver ng motorsiklo na si Datu Omar Sambuto, 64 taong gulang habang ang sinalpok nitong pedestrian ay si Rolando Bungan, 72, ng Brgy. Saravia, Koronadal.
Lumabas sa inisyal na pagsisiyasat ng mga pulis, dakong alas-3:00 ng hapon habang pauwi na sa kanilang tahanan ang biktimang si Bungan nang banggain ng motorsiklong minamaneho ni Sambuto.
Dahil sa lakas ng pagkakabangga ng motorsiklo, ang driver na si Sambuto at pedestrian na si Bungan ay pawang nagtamo ng matinding mga sugat sa ulo kung saan hindi na umabot pang buhay sa pagamutan matapos isugod ng mga sumaklolo.
- Latest