Brgy. chairman binistay ng bala
MANILA, Philippines — Patay ang isang barangay chairman makaraang pagbabarilin ng hindi pa nakilalang apat na kalalakihan sa loob ng tahanan nito sa Brgy. Rombang, Laoang, Northern Samar kamakalawa ng gabi.
Kinilala ang biktima na si Carmelito Baluyot, 51-anyos, tserman sa Brgy. Rombang ng bayang ito.
Sa ulat ni PRO 8 Director Police Brig. Gen.Dionardo Carlos, alas-9:30 ng gabi nang biglang pasukin ng apat na lalaki na armado ng maikli at mahabang armas ang tserman saka siya binistay ng bala.
Ang insidente ay inireport sa pulisya ni Junicar Baluyot, anak ng biktima pero nabigo nang mahabol ng mga awtoridad ang mga suspek.
- Latest