Korean patay sa beach resort

MANILA, Philippines — Patay ang isang Korean national matapos na malunod sa isang beach resort sa Lian, Batangas kamakalawa ng hapon.

Hindi na umabot nang buhay sa Metro Balayan Medical Center ang dayuhan na si Kim Song Ho, 55-taong gulang.

Sa ulat ng Police Regional Office 4, dakong alas-9 ng umaga nang magtungo ang biktima kasama ang pamilya sa Matabungkay Beach Resort sa Brgy. Matabungkay ng nasabing lalawigan. Dakong alas-3:29 ng hapon umano nang lumusong sa tubig si Ho na noon ay lasing dahilan para malunod.

Sa kabila nito, patuloy ang imbestigasyon ng pulisya upang matukoy kung may “foul play” sa insidente.