3 drug peddler tiklo sa P.3 milyong shabu

ANGELES CITY, Philippines — Talong hinihinalang  drug peddler ang nasakote matapos magsagawa ng drug buy-bust operation ang Police Station 4 ng lungsod sa Brgy. Malabanias noong Huwebes ng hapon.

Sa ulat ng pulisya, kinilala ang mga suspek na sina Pindola-ngan Hadjiomar “Alias Pinky”, 50-anyos, isang high value target (HVT); Normalia Hadjiesop, 34; kapwa pansamantalang naninirahan sa L&S Subdivision, Brgy. Sto. Domingo, at Ayman Maulana, 21, ng Brgy. San Nicolas; pawang sa Angeles City.

Nasamsam sa mga suspek ang 75 gramo ng hinihinalang shabu na tinatayang P300,000 ang street value at ang marked money na ginamit sa buy-bust.

Aminado naman ang mga suspek na kanilang nagawa ang pagtutulak ng illegal na droga upang may ipantustos sa kanilang pamilya, Anila, kung nakalusot ang mga shabu sa bentahan ay kikita sila ng P10,000.00.