Dalagita pumalag sa rape, pinagsasaksak ng kapitbahay
PADRE BURGOS, Quezon , Philippines — Isang 14- anyos na dalagita ang nasa kritikal na kondisyon sa ospital makaraang pagsasaksakin ng kanyang kapitbahay na nagtangka umanong humalay sa kanya kamakalawa ng umaga sa Brgy. Walay ng bayang ito.
Ang biktima na nagtamo ng apat na malalalim na saksak sa iba’t ibang parte ng katawan ay itinago sa pangalang Leah samantalang nakapiit na sa municipal jail ang suspek na si Ramises Manusca, 42, binata at residente ng Sitio Bahay Nayon ng nasabing barangay matapos siyang maaresto ng mga rumespondeng bara-ngay tanod.
Ayon sa ulat ng pulisya, pinagtangkaang gahasain ng suspek ang biktima subalit pumalag ang huli kung kayat pinagsasaksak. Bagama’t sugatan ang biktima ay nakapagsumbong siya sa ama at itinuro ang suspek na siyang responsable sa tangkang pagpaslang sa kanya.
Naabutan ng mga tanod ang suspek na nagtatago sa palaisdaan at hawak pa ang isang patalim.
- Latest