Motor sumalpok sa bus: Rider todas, 2 pa nasaktan
CAVITE, Philippines — Isang rider ang kumpirmadong patay habang dalawa pa ang sugatan matapos na sumalpok sa nakaparadang bus ang kanilang sinasak-yang motorsiklo habang bumabagtas sa kahabaan ng Brgy. Bagbag 2, bayan ng Rosario sa lalawigang ito kamakalawa ng gabi.
Kinilala ni P/Supt. Dhefry Punzalan, hepe ng pulisya ang nasawi na si Dodge Crisostomo, 47-anyos, ng Brgy. Ligtong 3, Rosario na siyang driver ng motorsiklo habang sugatan ang kanyang dalawang angkas na sina Jericho Gonzales, 28, at Bernaldo Villaruel, 30, kapwa ng Brgy. Ligtong 3, Rosario, Cavite.
Sa ulat, alas-11:25 ng gabi nang maganap ang aksidente habang sakay ang tatlong biktima sa isang single motorcycle na Yamaha Aerox 155 at pag-aari ng isang nagngangalang Romeo Garcia. Bumabagtas sila sa nasabing lugar at medyo may kabilisan umano ang kanilang patakbo kung kaya hindi na nakuhang makapagpreno ni Crisostomo at tuluyang sumalpok ang sasakyan sa isang pampasaherong Baby Bus na naka-park lang sa gilid ng kalsada.
Sa lakas ng bangga, tumilapon ang tatlo na ikinamatay ng isa. Mga nakainom umano ang mga biktima nang maganap ang aksidente.
- Latest