2 ‘pusher’ todas sa shootout
MANILA, Philippines — Dalawang pinaghihinalaang notoryus na drug pusher ang napaslang makaraang umano’y manlaban sa anti-drug operation ng mga operatiba ng pulisya sa Talisay City, Cebu nitong Sabado ng madaling araw.
Sa inisyal na ulat ng Talisay City Police, kasalukuyan pang inaalam ang pagkakakilanlan sa mga napatay na suspek.
Ayon sa Talisay City Police, bandang alas–4 ng madaling araw nang magsagawa sila ng operasyon laban sa mga suspek sa Sitio Tabay, Brgy. Cansojong nang makatanggap ng impormasyon hinggil sa talamak nilang pagtutulak ng droga.
Habang nagsasagawa ng transaksyon sa pagbili ng shabu, nakatunog umano ang mga suspek na agad na bumunot ng baril at pinaputukan ang mga pulis. Nagmintis ang putok at dito’y mabilis na gumanti ang mga operatiba na nauwi sa maikling minutong putukan na siyang kumitil sa buhay ng dalawang tulak.
- Latest