Lider ng NPA timbog sa raid
NORTH COTABATO , Philippines — Arestado ang isang senior citizen na lalaki na sinasabing mataas na lider ng New People’s Army (NPA) matapos ikasa ng PNP ang operasyon sa Sitio Natipakan, Brgy. Latagan, bayan ng Matalam.
Kinilala ang naaresto na si John Rudy Embodo Antiola “alyas Julie Alon”, may asawa at residente ng nabanggit na lugar.
Ayon sa ulat ng Matalam Police, alas-6:30 ng umaga nitong Linggo nang mahuli ang suspek nang isilbi ng pulisya ang warrant of arrest na inisyu ni Judge Jose Tabaosares, ng RTC Branch 23, Kidapawan City na may petsang August 11, 2017 sa kasong “direct assault upon an agent of a person in authority with frustrated murder”.
Nakuha mula sa suspek ang isang caliber 45 pistol, isang magazine, isang improvised explosive device o IED at isang hand grenade.
- Latest
