Binata inutas ng 3 mag-uutol
LEGAZPI CITY, Albay , Philippines — Patay ang isang 24-anyos na binata matapos pagtulungang saksakin ng tatlong magkakapatid na suspek sa Brgy. Patitinan, Sangay, Camarines Sur kamakalawa ng madaling araw. Sinubukan pang isugod ng mga barangay tanod at kaanak sa Sangay Infirmary pero idineklarang patay ang biktima na si Alvin Canelaria Cuerdo, ng Zone 1, Sitio Rawis.
Arestado naman ang isa sa suspek na si Gerardo De Leon, 29-anyos habang tinutugis ng mga pulis ang dalawa pang kapatid nito na sina Joseph at John. Sa ulat, dakong ala-1 ng madaling araw, dahil sa matagal nang alitan ay nagkaroon nang mainitang pagtatalo ang biktima at tatlong magkakapatid na suspek hanggang sa pagtulungang hawakan ng dalawa ang biktima habang ang isang ay kumuha ng patalim at sinaksak ito sa dibdib na agad niyang ikinasawi.
Sinubukan pang isugod sa pagamutan si Cuerdo pero ’di na umabot nang buhay. Agad namang naaresto ng rumespondeng mga barangay tanod si Gerardo habang tuluyang nakatakas ang dalawang utol na si Joseph at John Paul.
- Latest