3 HPG member sibak sa kotong
MANILA, Philippines — Tatlong miyembro ng North Cotabato PNP-Highway Patrol Group ang sinibak sa puwesto matapos masakote sa kanilang ginagawang pangongotong sa mga motorista sa Kidapawan City, kahapon.
Bagamat hindi pinangalan ni HPG North Cotabato Chief Police Executive Master Sergeant Alberto Rosas ang tatlong mga tauhan nito, pero sinabi nito na ang mga sinibak ay may ranggong patrolman.
Ayon kay Rosas, nauna nang lumabas sa report na umano’y may kinalaman sa panghihingi ng pera ang tatlo sa ilang motorista na may mga impoundable violations.
Ayon sa isang complainant, kapalit umano ng murang halaga ay maaari nang ma-areglo ang mga sasakyang nahuli ng highway patrol group.
Samantala, pansamantala munang ilalagay sa National Headquarters ng HPG sa Camp Crame ang tatlong tinanggal sa puwesto habang patuloy ang isinasagawang imbestigasyon.
- Latest