LGBT kinatay, itinapon sa pampang
SANTIAGO CITY, Isabela, Philippines –Isang miyembro ng LGBT na tadtad ng saksak sa iba’t ibang bahagi ng katawan ang natagpuan sa isang pampang sa Aparri, Cagayan kamakalawa ng umaga.
Kinilala ng Aparri Police ang nasawing biktima na si Anthony Quillopo Basilio, 25-anyos, isang bading at residente ng Brgy. Punta, Aparri, Cagayan.
Sa imbestigasyon, gabi ng Lunes (Hulyo 22) nang huling makitang buhay ang biktima matapos imbitahan umano ng isang kaibigan.
Kinabukasan ng umaga, nakita na lamang ng mga nag-eehersisyo sa tabing-dagat ang bangkay ng biktima na naburdahan ng saksak.
Wala namang nakuha ang mga imbestigador na anumang kagamitan ng biktima at maging ang kutsilyo na ginamit sa krimen ay hindi rin narekober sa lugar.
- Latest