Drug den ni-raid: 5 nalambat

PAMPANGA  , Philippines  —  Limang drug suspect ang nadakip matapos ang ginawang anti-illegal drug operation ng mga ahente ng Philippine Drug Enforcement Agency (PDEA)-3 sa isa umanong drug den at nasamsam ang nasa P.1 milyong halaga ng shabu sa Hadrian 3 Extension, Brgy. Balibago noong Linggo ng gabi. 

Sa ulat ni PDEA Region 3 Director Gil Pabilona, kinilala ang mga nasakoteng suspek na sina  Demetrio Docena alias “Jay R”, 34; Tony Luto, 29; Larry Platones, 23; Danilo Largo, 37, at Vicente Aquino, 26, pawang residente sa nasabing barangay.

Sa ulat, dakong alas-8:35 ng gabi nang isagawa ang operasyon matapos na  magpanggap na poseur buyer ang isang ahente ng PDEA at nakipagtran­saksyon kay Docena sa labas ng drug den.

Nang magkaabutan ng droga at buy-bust money, agad na dinakma si Docena habang naaktuhan ang ibang kasamahan nito sa loob ng nasabing drug den na umano’y nagpa-pot session.

Nasamsam sa mga suspek ang 9 na plastic sachet ng shabu na nasa 20 gramo at may street value na P136,000, mga drug paraphernalia at marked money na ginamit sa operasyon.