Barangay Secretary at 8 katao tiklo sa Shabu

Cavite, Philippines — Siyam na tao kabilang ang isang barangay secretary ang nadakip ng pulisya sa dalawang magkahiwalay na buy bust operation sa Barangay San Francisco, General Trias, Cavite kahapon.

Kinilala ni General Trias Police Chief Supt. Paul Bometivo ang mga suspek na sina Benedicto Saringo, Barangay Secretary ng Pasong Kawayan 2 ng lunsod na ito; Grace Gabrillo, Arnel Rentoy, Ace Gilbuena, Nel Monzon, Ric Fauni, Jose Rey Lusong, Shirley Trinidad at si Luisito Cahanding na pawang mga nasa hustong gulang at mga nasa Drugwatchlist ng pulisya.

Nakumpiska sa mga ito ang may mahigit kumulang sa 25 gramo ng shabu na aabot sa halagang P200,000 pesos at drug paraphernalias.