4 ‘drug supplier’ tiklo sa P2.4-M marijuana
CAVITE , Philippines — Arestado ang apat na umano’y supplier at taga-deliver ng bultu-bultong pinatuyong dahon ng marijuana sa buy-bust operation ng pulisya sa Brgy. Salitran 3, Dasmariñas City, iniulat kahapon.
Kinilala ang mga suspek na sina Albert Abogadie, 28-anyos, ng Brgy. Anabu 2, Imus City; Don Ragracias, 35; Mary Rose Dela Peña, 27, at Raymond Austria, 20.
Ayon kay P/Col. Nerwin Ricohermoso, hepe ng Dasmariñas Police, ilang araw nilang sinubaybayan ang mga suspek bago makumpirma na sila ang nagsu-supply ng bloke-blokeng marijuana sa mga tulak ng droga sa Imus, Bacoor at Dasmariñas ng lalawigan. Alas-3:10 ng hapon nang ikasa ang buy-bust sa Brgy., Salitran 3 kung saan matagumpay na nasakote ang mga suspek at nasamsaman ng may 119 bricks at isang nakarolyong marijuana na aabot lahat sa 120 kilo at may market value na P2,400,000.00. Nakuha rin ang isang Nissan Urvan (NOH767) at buy-bust money na ginamit sa transaksyon.
- Latest
