Tserman sa Tarlac itinumba
TARLAC, Philippines — Patay ang kapitan ng Barangay Paraiso sa Tarlac City matapos na pagbabarilin ng hindi pa nakikilalang mga salarin noong Linggo ng hapon.
Sa report, kinilala ang biktima na si Brgy. Chairman Allan Sebastian, 52-anyos.
Sa imbestigasyon, naganap ang krimen pasado alas-3:00 ng hapon. Galing umano ang biktima sa construction site upang magbigay ng instruction sa driver ng backhoe operator nang bigla siyang dikitan at pagbabarilin ng apat na lalaking armado. Matapos na mapuruhan ang tserman, mabilis na tumakas ang mga suspek sa ’di malamang direksyon.
Nagsasagawa na ng malalimang imbestigasyon ang pulisya sa motibo sa nasabing pagpaslang at para mahuli ang mga salarin.
Nag-alok naman ang Tarlac City government ng P200,000.00 pabuya sa sinumang makakapagturo sa mga responsable sa krimen.
- Latest