Lider ng robbery group todas sa shootout
LEGAZPI CITY, Albay, Philippines — Bulagta ang umano’y lider ng robbery group matapos kumasa at makipagbarilan sa mga pulis sa Sitio Mapili, Brgy. Rangas, Juban, Sorsogon kahapon ng umaga.
Dead-on-the-spot matapos mapuruhan ng punglo sa iba’t ibang bahagi ng katawan ang suspek na kinilalang si Ralph Sus Deri, pinuno ng “Deri Criminal Gang” na nasa likod ng magkakasunod na panghoholdap sa mga bayan ng Juban, Magallanes at sa Sorsogon.
Ayon kay Col. Bong Buslig, provincial director ng Sorsogon Police, dakong alas-11:30 ng umaga nang makatanggap ng impormasyon ang kanyang mga tauhan na nasa area ang suspek kaya agad bumuo ng grupo mula sa Regional Intelligence Division-5, Provincial Intelligence Branch at Juban Police at agad inilunsad ang intelligence operation.
Gayunman, sa halip na sumuko ay bumunot pa ang suspek ng kanyang baril at nakipagbarilan sa mga pulis dahilan para mapuruhan ito. Nakuha ng mga operatiba mula sa suspek ang kalibre .45 na baril.
- Latest
