Kelot nilikida ng hired killer

TUGUEGARAO CITY, Cagayan, Philippines — Isang 57-an­yos na mister ang nasawi ma­tapos barilin sa ulo ng pinaniniwalaang bayarang berdugo habang sakay ng kanyang motorsiklo pauwi sa Brgy. Amianance, Vigan City, Ilocos Sur kamakalawa. Kinilala ng pulisya ang biktima na si Romeo Ramos, taga-Brgy. Lao-ingen sa bayan ng Sto. Domingo. Agad na tumakas ang killer sakay ng motorsiklo matapos ang pamamaril habang isinugod ng mga sumaklolo si Ramos sa Gabriela Silang General Hospital kung saan siya idineklarang patay. Dalawang basyo ng bala ng cal.45 ang narekober sa lugar habang isang cal. 25 baril ang nakuha ng mga imbestigador sa katawan ng napatay.