Binawi ang regalong kalabaw, lolo pinugutan
MANILA, Philippines — Pinugutan ang isang 60-anyos na lolo ng manugang nito matapos umanong bawiin ang iniregalong kalabaw makaraang hiwalayan ng misis sa Brgy. Sinipit, Benito Soliven, Isabela, noong Miyerkules.
Sa imbestigasyon ng pulisya, mas ipinagdalamhati ni Orlando De Asis, 51 ang pagkawalay ng kalabaw kaysa sa pagkalas ng kanyang misis dahilan upang planuhin at isagawa ang pagpatay kay Primo Acob na kanyang sinundan habang papunta sa bukirin dakong alas-7:30 ng umaga.
Halos humiwalay ang ulo sa katawan ng matanda sa sunud-sunod na hataw ng itak ni De Asis na tumakas matapos ang pamamaslang subalit kalaunan ay sumuko sa mga opisyal ng barangay.
Nabatid na nagkimkim ng sama ng loob ang suspek sa biktima na pinaghihinalaan niyang naninira sa kanya sa misis niyang nagtatrabaho sa abroad kaya ito kinalasan.
- Latest