Ex-NPA official, 1 pa todas sa raid
MANILA, Philippines — Dalawa ang patay kabilang ang isang da-ting opisyal ng New People’s Army (NPA) matapos manlaban habang isinisilbi ng mga otoridad ang warrant of arrest sa kanilang safehouse kahapon ng umaga sa Nabunturan, Compostela Valley.
Kinilala ang mga nasawi na sina Jay Mendoza alyas “Pogs” at isang alyas Ondoy.
Sa ulat, habang isinisilbi ang apat na warrant of arrest ng mga operatiba ng Laak Municipal Police at 60th Infantry Battalion laban kina Mendoza at Ondoy dahil sa mga kasong murder, double murder with double frustrated murder, robbery in band at serious illegal detention nang bigla na lamang paulanan ng bala ng da-lawa bago pa makapasok sa kanilang safehouse sanhi ng barilan.
Si Mendoza ay dating deputy secretary ng NPA sub-regional committee 2 sa Southern Mindanao mula 2006-2018 at responsable sa pagpatay sa dalawang army officers,16 pang sundalo, mga pulis at CAFGU, gayundin sa panununog ng mga mining equipment at mga sasakyan sa Compostela Valley, habang si Ondoy ay kabilang sa drug personalities ng PNP watchlist sa bayan ng Laak.
- Latest
