Manager ng security agency itinumba
TUGUEGARAO CITY, Cagayan, Philippines — Patay ang isang 63-anyos na manager ng isang security agency habang kritikal ang kanyang live-in partner matapos pagbabarilin ng riding-in-tandem assassins sa Brgy. Caritan Centro ng lungsod na ito noong Lunes.
Kinilala ni Lt. Colonel George Cablarda, hepe ng Tuguegarao City Police ang nasawi na si Simon Delos Santos, operations manager ng Sidekick Force Agency habang inoobserbahan sa ospital si Monaliza Esquibil, 31, kinakasama ng matanda at nagpapatakbo ng ahensya nito.
Sa imbestigasyon, sakay ng Mitsubishi Mirage ang mga biktima nang paulanan ng bala ng mga pinaniniwalaang bayarang berdugo dakong alas-6:00 ng gabi at saka tumakas.
Dead-on-arrival ang matandang manager nang mairating sa ospital.
Inaalam pa ng mga imbestigador ang motibo sa krimen.
- Latest