Mag-ama tinumbok ng pick-up, anak na estudyante durog
TUGUEGARAO CITY, Cagayan , Philippines — Durog ang isang 15-anyos na dalagitang estudyante matapos tumbukin at kaladkarin ng rumaragasang Mitsubishi Estrada pick-up ang sinasakyan nilang motorsiklo ng kanyang ama sa Brgy. Lulutan, Ilagan City, Isabela kamakalawa.
Sa report kay P/Lt. Colonel Rafael Pagalilauan, hepe ng Ilagan City Police, kinaladkad ng pickup ng halos 10 metro sina Severino Zalun, 45-anyos at angkas niyang anak na si Shariemae na kanyang hinahatid sa paaralan nang mangyari ang sakuna dakong alas-2:00 ng hapon.
Sinikap isugod ng mga sumaklolo ang mag-ama sa ospital subalit binawian ng buhay ang dalagita.
Nasa kustodya na ng pulisya ang drayber ng pick-up na si Cesar Villanueva, 58, na taga-Brgy. Malasin at iniimbestigahan kung lango sa droga o alak nang mangyari ang aksidente.
- Latest