5 nagre-repack ng shabu, tiklo

CAVITE , Philippines  —  Arestado ng mga otoridad sina Agustine Camposano, Jozel Vasquez, Royland Resari, Chester Chicoco, at Jared Batchiller; pawang mga nasa hustong gulang, nang maaktuhang nagre-repack ng hinihinalang shabu sa isinagawang raid sa isang umano’y drug den sa Brgy. Pasong Camachile Gen. Trias, ng lalawigan kamakalawa ng gabi. 

Sa ulat ng pulisya, dakong alas-8:00 ng gabi nang salakayin ng mga ope­ratiba ang nasabing lugar matapos makatanggap ng sumbong mula sa mga residente hinggil sa ilegal na gawain ng mga suspek. 

Narekober sa mga suspek ang may nasa 2.40 gramo ng shabu na tinatayang may street value na P20,000.