10 Vietnamese nasabat sa illegal fishing
SANTIAGO CITY, Isabela , Philippines — Sampung mga Vietnamese national ang inaresto ng mga awtoridad matapos mahuli sa aktong nagsasagwa ng iligal na pangingisda sa karagatan ng Calayan Island sa Cagayan, ayon sa ulat kahapon..
Ayon sa tanggapan ng Bureau of Fisheries and Aquatic Resources (BFAR), ang mga dayuhang mangingisda ay dinakip ng kanilang mga operatiba sa magkahiwalay na lugar nitong Sabado, kabilang ang dalawang fishing vessels sa nasasakupan ng Dalapuri Island sa bayan ng Calayan.
Nakilala ang dalawa sa 10 dayuhan na sina Huynk Thank Tat at Mguyen Minh Cuong, kapwa kapitan ng dalawang fishing vessels na sinakyan ng mga dayuhang mangingisda.
Ang mga nahuling dayuhan kabilang ang dalawang Bangka ay nasa pangangalaga ngayon ng mga awtoridad at nakatakdang sampahan ng kasong paglabag sa RA 10654 (Section 91 and 115).
- Latest