Gumahasa ng anak, tinodas
NORTH COTABATO , Philippines — Patay ang isang tricycle drayber na sinasabing suspek sa paggahasa sa sarili nitong anak makaraang pabulagtain ng ‘di pa nakilalang gunman sa krimeng naganap sa bahagi ng Sinsuat St., Kidapawan City kamakalawa ng gabi. Kinilala ang biktima na si Joel Laraño Pesquera, 44, pansamantalang nakatira sa Purok Guava, Poblacion ng lungsod at tubong General Santos City.
Ayon sa report, minamaneho ng biktima ang kanyang nirentahang pampasaherong tricycle ngunit pagdating nito sa nasabing lugar ay bigla na lang itong binaril ng hindi pa kilalang mga suspek na sakay ng motorsiklo alas-6:55 ng gabi.
Nakatakbo pa ng ilang metro ang tricycle ng biktima bago huminto malapit sa isang kainan at dito na binawian ng buhay. Sa panayam kay Police Lt Col. Maria Joyce Birrey, hepe ng Kidapawan City Police, may kinakaharap na kasong rape ang biktima matapos gahsain ang kanyang sariling anak na babae.
- Latest