2 barangay chairman timbog sa loose firearms
MANILA, Philippines — Dalawang barangay chairman kabilang ang isang lider ng gunrunning gang ang inaresto ng mga awtoridad dahil sa pag-iingat ng mga baril na walang lisensya sa magkakahiwalay na operasyon sa lalawigan ng Batangas at La Union kamakalawa ng gabi at kahapon ng umaga.
Sa ulat na tinanggap kahapon ni PNP–Criminal Investigation and Detection Group (PNP-CIDG) Director Police Brigadier General Amador Corpus, unang nasakote bandang ala -11:00 ng gabi nitong Martes si Brgy. Chairman Gerardo Villanueva sa operasyon sa Brgy. San Sebastian, Balete, Batangas.
Ayon kay CIDG Regional Chief Police Colonel Lawrence Cajipe, si Villanueva ay lider ng isang notoryus na gunrunning gang na kumikilos sa buong Batangas at matagal nang isinasailalim sa masusing surveillance operation.
Sa lalawigan naman ng La Union, dakong alas-6:30 ng umaga nitong Miyerkules nang sumunod na masakote si Rodrigo Garcia, Brgy. Chairman sa Rimos 5 sa bayan ng Luna ng lalawigang ito.
Si Garcia ay inaresto matapos makumpiskahan ng 180 rounds ng bala, 8 magazine para sa M16 rifle.
- Latest
