2 ‘scorer’, tulak nadakip
Cavite –, Philippines — Nadakip ng Dasmariñas Police sa pangunguna ni Police Supt. Nerwin Ricohermoso, hepe ng pulisya sa lungsod na ito, ang dalawang lalaking scorer na dumayo pa sa lungsod ng Dasmariñas, gayundin ang pinagbilhan ng mga tulak sa isang drug bust operation ng pulisya sa Barangay Salawag, Dasmarinas, Cavite kamakalawa ng hapon.
Kinilala ng pulisya ang mga suspek na sina, Ernesto Montano, 31-anyos, kilalang tulak, residente ng Armstrong, Brgy Salawag, Dasmariñas City, at ang 2 suspek na dumayo pa mula sa Muntinlupa upang umiskor ng shabu na sina Marlon Guban, 37, ng Camella Homes RV1 Tunasan, Muntinlupa City at si Jeffrey Lopez, 39, ng South Ville, Muntinlupa City.
Sa panayam kay Col. Ricohermoso, ilang araw muna nilang minatyagan si Montano matapos ang ilang impormasyon ng ilang concerned citizen hinggil sa talamak na pagtutulak nito ng droga.
Isang tauhan nito ang tumayong scorer at sumabay sa 2 suspek sa pag-iskor ng droga kay Montano. Nang magpositibo, dito na ito dinakma ng mga nakapaligid na kapulisan.
- Latest
