Motor vs van: Ama, 2 anak patay
ATIMONAN, Quezon, Philippines — Patay ang isang ama at kanyang da-lawang anak habang nasa malubhang kalagayan ang isa pa nitong anak matapos sumemplang ang sinasakyan nilang motor at sumalpok sa kasalubong na van sa Maharlika Highway sa Brgy. Balubad, sa bayang ito, kamakalawa ng gabi.
Sanhi ng matinding pinsalang tinamo sa ulo at iba’t ibang bahagi ng katawan, nasawi noon din sina Vicente Balde-rosa, 33; at dalawang anak na sina Vincent Balderosa, nasa edad 1-5-anyos; at Marian Balderosa, nasa edad 5-10 taong gulang; habang patuloy namang inoobserbahan sa Doña Marta Hospital si Justine Balderosa, edad 10-15-anyos; pawang mga residente ng Brgy. Tagbakin.
Ayon sa imbestigasyon, dakong alas-7:30 ng gabi ay minamane-ho ng amang si Vicente ang kanyang Mitsukushi motorcycle nang naka-angkas ang tatlong anak at binabagtas ang nasabing lugar nang pagsapit umano sa pakurbadang bahagi ng kalsada ay sumemplang ito at tuluyang sumalpok sa kasalubong na Manila bound na Nissan Urvan Van (UOG-406) na minamaneho ni Jay-R Salvo, 28 ng Imus, Cavite.
Nasa kustodya ngayon ng pulisya ang tsuper ng van at nahaharap sa patung-patong na kaso.
- Latest
