Rider patay sa kasalubong na bus
SARIAYA, Quezon, Philippines — Nabasag ang bungo at namatay noon din ang isang rider makaraang banggain ang kanyang minamanehong tricycle ng kasalubong na passenger bus sa Maharlika highway, Barangay Balubal, kamakalawa ng madaling araw.
Kinilala ng pulisya ang biktima na si Kerwin Dayanan, may sapat na taong gulang ng nasabing barangay habang nasa kustodya ngayon ng Sariaya PNP ang tsuper ng Raymond Passenger Bus na si Marcial Moral.
Batay sa imbestigasyon, bandang ala 1:30 ng madaling araw ay pauwi na sa kanilang bahay ang biktima nang tumbukin itong banggain ng Manila bound na bus.
Sa lakas ng pagkakabangga ay tumilapon ng may ilang metro ang biktima at una ang ulong bumagok sa sementadong kalye.
- Latest