3 utas, 5 sugatan sa road mishap
MANILA, Philippines — Tatlong katao ang nasawi kabilang ang isang mag-asawa at 5 ang nasugatan sa magkahiwalay na road accident sa lalawigan ng Isabela.
Sa bayan ng Ramon, nasawi ang mag-asawang Romeo Vicarme, 33 at misis na si Tasing, 33 habang malubha ang anak nilang si Althea, 8 nang salpukin ng Starex van ang kanilang tricycle kamakalawa ng alas-6:00 ng gabi sa Brgy. Raniag ng nasabing bayan.
Sa report, palabas mula sa isang eskinita ang traysikel na minamaneho ni Vicarme nang salpukin sila ng van na minamaneho ni Ruben Abrenica.
Samantala, dalawang motorsiklo ang nagsalpukan na ikinasawi ng 29-anyos na sales supervisor na si Robert John Orias sa highway ng Brgy. Taringsing Cordon, Isabela kahapon ng ala-1:20 ng madaling araw.
Sa report ng pulisya, magkasalungat na direksiyon ang binabagtas nina Noel Gragasin 25 at Orias nang magsalpukan sila at kapwa tumilapon pati angkas ni Gragasin na sina Marilyn Valdez, 21 at Miriam Miranda, 20.
- Latest
