Grade 12 sinaksak sa sayawan ng Grade 11, patay

MANILA, Philippines — Idineklarang dead on arrival ang isang 18-anyos na lalaki na grade 12 senior high school matapos na pagsasaksakin ng isang 19-anyos na grade 11 senior high school sa gitna ng sayawan kamakalawa sa Sitio Guimbal, Brgy. Malinao, Libmanan, Camarines Sur.

Kinilala ang nasawi na si Jeffrey Agliones, residente ng nasabing barangay habang agad naaresto ang suspek na kinilalang si Wilmar Borbe, residente ng Brgy. Cambalidio.

Sa ulat, dakong ala-1:30 ng madaling araw habang nasa gitna ng sayawan ang biktima sa ginagawang benefit dance ng barangay nang biglang pagsasaksakin ng suspek.

Patuloy ang imbestigasyon ng pulisya sa motibo nang pananaksak ng suspek sa biktima.