60-anyos inutas ng ‘kustomer’
MANILA, Philippines — Patay ang isang 60-anyos na negosyante makaraang barilin ng nagpanggap na kustomer sa karinderya ng biktima sa Barangay Aplaya sa Digos City, Davao del Sur kamakalawa ng tanghali.
Ayon kay Police director Supt. Deozar Almasa, hepe ng Digos City Police, kinilala nito kahapon ang biktima na si Lazaro Osabel ng Brgy. Aplaya na abala sa pag-aasikaso sa kanyang kainan. Bago mag-alas-12:00 ng tanghali nitong Sabado ay isa sa dalawang mga suspek na sakay ng motorsiklo ang nagpanggap na kakain sa nasabing karinderya.
Makalipas ang ilang sandali, biglang binunot ng suspek ang kanyang baril at pinagbabaril si Osabel saka tumakas.
- Latest