2 brodkaster swak sa cyber libel
KIDAPAWAN CITY, Philippines — Guilty sa kasong cyber libel ang dalawang kagawad ng media matapos na babaan ng desisyon ng lokal na korte sa Kidapawan City, kahapon ng umaga.
Kinilala ang mga hinatulan na sina Eric Dugaduga Rodinas, isang anchor ng Radyo Natin at Larry Baja Subillaga, kapwa residente ng Kidapawan City. Nag-ugat ang kaso ng dalawa matapos na mag-post ang una ng mga malisyosong salita laban sa gobernador ng lalawigan na si Gov. Lala Taliño Mendoza sa kanilang facebook account.
Nagkomento rin si Subillaga na niloloko umano ng gobernador ang mga mamamayan ng probinsya.
Sa kanyang post naman sa kanyang FB account, sinabi ni Rodinas na malinaw na mayaman ang gobernador. “Ang project kawatan pa mao nani resulta?’ na ang proyekto ninanakaw.
Matapos ang mga pagdinig sa kaso, binabaan ng Regional Trial Court, Branch 23 sa sala ni Judge Jose Tabosares ng guilty ang mga akusado at hinatulan ng apat hanggang walong taon at isang araw na pagkakabilanggo, at pinagbabayad ng P2,500,000 kada isa bilang danyos.
- Latest
