3 ‘pusher’ todas sa shootout
MANILA, Philippines — Tatlong sinasabing mga ‘tulak’ ng shabu ang napatay ng mga otoridad sa isinagawang drug bust operation sa lalawigan ng Bulacan, kamakalawa at nitong Huwebes ng madaling araw.
Sa ulat ng Bulacan Police, ang mga napatay na suspek ay kinilalang sina Ryan Daquiz, alyas “Ulo”, 20, ng Brgy. Cutcot, Pulilan; Novem Jornales, alyas “Bem”, 39, ng Brgy. Sto Niño, Bulacan; at isang tinukoy lamang sa pangalang Reynaldo, alyas “Bukol”.
Bandang alas-2:15 ng madaling araw kahapon nang mapatay si Daquiz sa Brgy. Tibag, Pulilan, Bulacan matapos na mauwi sa shootout ang buy-bust operation.
Nakuha sa lugar ang isang cal 38, tatlong cartridge ng cal 9 MM at 3 plastic sachet ng shabu.
Samantalang bandang alas-3:35 naman ng mada-ling araw kamakalawa nang mapatay ang nanlabang drug pusher na sina Bem at Bukol sa Brgy. Bulihan, Plaridel, Bulacan.
Narekober ang isang cal. 38 revolver na naglalaman ng bala at siyam na plastic sachet ng shabu.
- Latest
