P3.4-M shabu sa condom samsam, ‘pusher’ tiklo
MANILA, Philippines — Nabuking ng mga tauhan ng Philippine Drug Enforcement Agency (PDEA) ang isang hinihinalang drug pusher makaraang makumpiskahan ng nasa P3.4-milyong halaga ng droga na nakalagay sa condom sa isinagawang buy-bust operation sa loob ng isang convenience store sa Cebu City.
Kinilala ni PDEA Director Aaron Aquino ang suspek na si Jemmar Layaguin, 30, may-asawa na nakuhanan ng nasa 500 gramo ng shabu na nagkakahalaga ng P3.4 milyon na nakasilid sa apat na condom at nakabalot sa carbon paper.
Sa ipinadalang report ni PDEA Region 7 Public Information Officer Leah Albiar kay Dir. Aquino, sinasabing sumailalim sa mahigit isang buwan na surveillance si Layaguin makaraang makatanggap ng ulat sa pagbebenta nito ng droga.
Maingat at sadyang ‘madulas’ umano si Albier kaya nahirapan ang mga ahente ng PDEA na mahuli ito.
Ayon kay Albiar, unang pagkakataon na nakasabat sila ng droga na tinangkang itago sa condom.
Aniya, sadyang gumagawa ng iba’t ibang paraan ang mga tulak ng droga mailusot lamang ang kanilang mga ilegal na gawain.
- Latest