Mister inutas habang nanonood ng TV
LEGAZPI CITY, Albay , Philippines — Duguang bumulagta sa harap ng telebisyon ang isang 40-anyos na mister matapos pasukin at pagbabarilin ng di nakilalang gunman habang nanonood sa kanilang balkonahe sa Sitio Medalla, Brgy. San Vicente sa bayan ng Jovellar kamakalawa ng gabi. Dead-on-the-spot dahil sa tama ng punglo sa ibat-ibang bahagi ng katawan ang biktimang si Bobby Bagangan Nuyda,residente ng nasabing barangay.
Sa ulat, dakong alas-8:30 ng gabi kampanteng nakaupo at nanonood ng telebisyon ang biktima sa kanilang balkonahe ng biglang pumasok ang hindi nakilalang armadong lalaki at pinagbabaril ito. Makaraang bumulagta agad tumakas ang suspek sa hindi malamang direksyon. Patuloy ang imbestigasyon ng mga pulis sa pagkakakilanlan at motibo sa pamamaslang ng suspek.
- Latest