3 kelot minasaker sa laklakan
CABANATUAN CITY, Nueva Ecija, MANILA, Philippines — Tatlo ang patay habang dalawa pa ang sugatan makaraang pagbabarilin ang mga biktima habang nag-iinuman ng mga hindi pa natutukoy na suspek sa Banahaw St., Brgy. Mabini Homesite ng lungsod na ito, Lunes ng gabi.
Kinilala ni P/Supt. Ponciano Zafra, hepe ng pulisya, ang tatlong nasawi na sina Alvin Dela Fuente, 23, binata, college student at tubong Brgy. Pulong Buli, Sto. Domingo, N.E.; Bernardo Naga, 58, binata, at Marius Samin, 25, binata, ng Cadena de Amor St.; kapwa ng Brgy. Villa Ofelia, at pawang tadtad ng bala sa katawan. Ginagamot naman sa magkahiwalay na ospital ang dalawa pang biktima na sina Mariel Alsate, 29, may-asawa, isang duck vendor, ng Banahaw St., Brgy. Mabini Homesite, Cabanatuan City at Jhon Robee Bacani, 18, jobless ng Brgy. Villa Ofelia.
Sa ulat, habang nag-iinuman ang mga biktima dakong alas-8:30 ng gabi, nang biglang dumating ang mga suspek saka sila pinagbabaril. Inaalam pa ng pulisya ang motibo sa krimen.
- Latest
