2 ‘tulak’ bulagta sa drug ops
CAMP JULIAN OLIVAS, Pampanga , Philippines — Patay ang dalawang hinihinalang “drug peddlers” na nasa drug watchlist makaraang umano’y manlaban sa mga operatiba ng Lubao at Mabalacat City Police sa isinagawang magkahiwalay na anti-illegal drug operations sa Brgy. San Juan, Lubao, at Brgy. Sto Rosario Mabalacat City kamakalawa.
Sa ulat sa tanggapan ni Supt. Jerry Corpuz, hepe ng Lubao Police Station, kinilala ang napatay na suspek na si Darwin Vitug, 39, ng Brgy. San Roque, Guagua, Pampanga. Isang pulis na nagsilbing poseur buyer ang umiskor sa suspek ng shabu.
Nang magkaabutan ng droga at marked money, nakahalata umano ang suspek kung kaya tumakbo ito at pinaputukan ang pulis subalit sumablay. Nagkaroon ng palitan ng putok hanggang sa mapatay ang suspek. Patay din ang isang hinihinalang drug peddler na si Richard Nicdao, ng Brgy. Sto Rosario, Mabalacat City, Pampanga matapos na manlaban umano sa drug operation ng pulisya.
- Latest
