Babae sinalvage, itinapon sa kalsada

CAVITE  , Philippines  —    Nababalutan ng packing tape ang buong mukha ng isang babae na hinihinalang pinaslang sa ibang lugar nang matagpuan sa isang gilid ng kalsada sa Trece Martires City kamakalawa. Sa inisyal na imbestigasyon, dakong 9:45 ng gabi nang matagpuan ang bangkay ng hindi kilalang babae sa may Phase 5 Latrinidad, Brgy. Cabuco.

Ang biktima na duguan ay tinatayang nasa 30-40 ang edad, nakasuot ng maong short pants at purple na sando. Balot ng packing tape ang mukha at nakagapos din ng tape ang mga paa at kamay nito. Iniimbestigahan pa ng pulisya ang krimen.