2 Chinese utas, P1.9-B shabu samsam
Sa Cavite buy-bust
MANILA, Philippines — Dalawang negos-yanteng Chinese national ang bumulagta matapos ang ikinasang malakihang buy-bust operation ng pulisya na ikinasamsam ng daan-daang kilong shabu na nasa P1.9 bilyon ang halaga kahapon sa Tanza, Cavite.
Kinilala ng pulisya ang mga napatay na suspek na sina Vincent Du Lim at Hong Li Wen, kapwa nasa hustong gulang at mga residente ng Brgy. Amaya 1, nasabing bayan.
Sa ulat mula kay Cavite Provincial Director William Segun, bago ang operasyon, matagal na umanong sinusubaybayan ng Philippine Drug Enforcement Agency 4A ang dalawang Tsino matapos makatanggap ng tip hinggil sa kanilang umano’y malakihang drug trade.
Alas-4:00 ng hapon ikinasa ang buy-bust at hindi pa man natatapos ang transaksyon ay nagkaroon na ng sagupaan sa pagitan ng mga suspek at pulisya nang sila ay makatunog sanhi ng kanilang pagkakabulagta.
Nakuha sa lugar ang may 274 kilo ng shabu na nagkakahalaga ng mahigit sa 1.9-bilyong piso.
- Latest