3 NPA bulagta sa engkwentro
MANILA, Philippines — Napatay ang tatlong mga pinaniniwalaang mga rebeldeng New People’s Army (NPA) makaraang makaengkwentro ang tropa ng 51st Infantry Battalion sa may bulubunduking bahagi ng Sitio Bukana, Brgy. Mainit, Iligan City, kamakalawa.
Sa ulat kay Iligan City Information Officer Joe Pantoja, aabot sa 30 komunistang rebelde ang nakasagupa ng mga sundalo na sumubaybay sa mga ilegal na aktibidades ng grupo sa nasabing lugar. Tumagal nang halos 45 minuto ang palitan ng putok na ikinabulagta ng tatlong mga rebelde na hindi pa natukoy ang pagkakakilanlan.
Wala namang naiulat na may nasawi sa panig ng pamahalaan. Bunsod ng bakbakan, nasa 270 pamilya ang naapektuhan at nagsilikas na ngayo’y mga nasa evacuation centers. Una nito, tatlong kasapi ng NPA ang sumuko sa mga sundalo sa may Brgy. Rogongon, lungsod ng Iligan.
- Latest