2 paslit nahulog sa dam, patay!
SANTIAGO CITY, Isabela , Philippines — Dalawang batang magpinsan ang nasawi matapos silang mahulog at malunod sa isang mini-hydro dam sa bayan ng Ramon, ng lalawigan kahapon ng madaling-araw.
Kinilala ang dalawang biktima na sina Brix Xajier Fernandez, 10, at pinsan na si Sweetzel Galindo, 9, kapwa residente ng Purok 5, Bugallon Proper, Ramon, Isabela.
Sa report na ipinalabas ni Sr. Insp. Frances Littaua, tagapagsalita ng Isabela Police Office, naglalaro umano ang dalawang bata sa lugar dakong alas-3:30 ng hapon kamakalawa nang aksidente silang madulas at mahulog sa dam hanggang sa lamunin ng tubig.
Dakong ala-1:30 na ng madaling araw kahapon nang matagpuan ng mga rumespondeng tauhan ng Ramon Police at Rescue 316 ang bangkay ng dalawang bata matapos ang isinagawang search and rescue operations.
Kaugnay nito, nanawagan ang mga awtoridad at opisyal ng nasabing bayan na ipagbawal sa mga bata na mamasyal o maglaro malapit sa dam para hindi na maulit ang nangyari sa magpinsan.
- Latest
