Opisyal ng mayor, patay sa landslide!

TUGUEGARAO CITY, Cagayan  , Philippines  —  Nailibing nang buhay ang isang opisyal ng munisipyo matapos na bumigay ang bahagi ng lupang binabagtas ng kanyang motorsiklo sa kabundukan ng Barangay Naguilian, Calanasan, Apayao noong Sabado.

?Sa report ng pulisya, patungo sa Poblacion si Alvin Alamin, administrative officer ni Mayor Martin Lawat ng Calanasan nang tibagin ng landslide ang gilid ng bundok dahil sa walang humpay na pag-uulang dulot ng bagyong Usman dakong alas-8:00 ng umaga. ?

Nagtulungan ang mga rescuers ng pulisya, Bureau of Fire Protection at lokal na pamahalaan upang mahukay si Alamin sa ilalim ng tone-toneladang putik hanggang alas-4:00 ng hapon.?

Dinala ng mga rescuers ang nasawing opisyal sa punerarya upang maayusan at mabigyan ng disenteng burol.