Motor vs water tanker: Mag-asawa, anak dedo!
MANILA, Philippines — Tatlong miyembro ng pamilya ang nasawi makaraang salpukin ng water tanker ang kanilang sinasakyang motorsiklo sa Liloan, Cebu kamakalawa ng gabi.
Sa sketchy report ng Office of Civil Defense (OCD) Region 7, nangyari ang insidente sa kahabaan ng S. Osmeña, Liloan, Cebu dakong alas-9:30 ng gabi. Kasalukuyang lulan ng motorsiklo ang mag-asawa at kanilang anak na pawang inaalam ang pagkakakilanlan nang mabangga ng isang kasalubong na water tanker sa lugar. Ang pamilya ay galing sa Christmas party ng nasabing mister na isang security guard sa lungsod.
Dead-on-the-spot sa insidente ang ginang makaraang magulungan ng water tanker habang ang mister at tinatayang 9-taong gulang nilang anak na lalaki ay binawian ng buhay ilang minuto matapos na isugod sa Vicente Sotto Memorial Hospital. Nakapiit na sa detention cell ng pulisya ang inarestong driver ng water tanker.
- Latest
