Kagawad nilikida ng tandem
MANILA, Philippines — Isang kagawad ng barangay ang nasawi matapos pagbabarilin ng ‘di pa natutukoy na riding-in-tandem sa Lipa City, sa lalawigan ng Batangas, kahapon ng umaga.
Dead-on-the-spot sanhi ng mga punglong tinamo sa iba’t ibang bahagi ng katawan ang biktimang si Danilo Maldonado, 56-anyos, foreman sa Sodel Feedmills, residente at councilor ng Brgy. Pinagkawitan, sa naturang siyudad.
Ayon sa report, sakay ang biktima ng kanyang motorsiklo at papasok na sana sa feedmill nang tambangan ng mga suspek pagsapit sa may Purok 4 Brgy. Pinagkawitan bandang alas-7:00 ng umaga. Agad namang tumakas ang mga suspek sakay ng kulay itim na motorsiklo patungo sa bayan ng Padre Garcia. Inaalam pa ng pulisya ang pagkakakilanlan ng mga suspek at ang motibo sa pamamaslang.
- Latest
