Road rage: Magpinsan grinipuhan

TUGUEGARAO CITY, Cagayan  , Philippines  —  Kritikal ang magpinsang overseas Filipino workers (OFWs) matapos silang pinagtutuhog ng isang drayber ng multicab dahil sa gitgitan sa trapiko sa Maharlika Road, Brgy. Sapping, Camalaniugan, Cagayan noong Sabado. ?Nakaratay ngayon sa hospital sina Merlin Cabutje, 38, at Rodolfo Cabuslay, 44, na kapwa taga-Brgy. Bicud, Lal-lo matapos silang magkasunod na pinagsasaksak ni Edmund Balganion.?

Ayon kay SPO3 Kenneth Urian dakong alas-5:40 nang makagitgitan ng suspek ang motorsiklong minamaneho ni Cabutje na umano’y sumenyas pa ng “dirty finger”. Sa tindi ng pagkapikon, hinabol ni Balganion ang magkaangkas na magpinsan at nang maabutan ay pinagsasaksak. Tumakas si Balganion subalit kalaunan ay nadakip sa isang police follow up operation.