10 tiklo sa buy-bust
MANILA, Philippines — Swak sa selda ang sampung katao kabilang ang apat na magkakaanak na itinuturong mga kilabot na ‘tulak’ ng droga sa isinagawang buy-bust operation ng mga tauhan ng Gen. Trias Police sa Brgy. San Francisco, Gen. Trias City, Cavite, kamakalawa.
Kinilala ni Police Supt. Paul Bometivo, hepe ng pulisya sa lungsod na ito ang mga suspek na sina Usman Alangadi Sarif, Aira Sarip, Mohanif Hadjimanan at Ramza Macaayong Sarip, magkakaanak; Renaldo Aque, Jeffrey Aguirre, Mary Jane Alolot, Ronilo Pakingan, Jerwin Bawalan at Jayson Mojica, pawang mga nasa hustong gulang at mga residente ng Tropical Village Pabahay 2000 Brgy. San Francisco, General Trias City, Cavite.
Ayon sa ulat, dakong alas-7:00 ng gabi nang ikasa ng mga otordidad ang operasyon sa nasabing lugar makaaraang makatanggap ng sunud-sunod na sumbong mula sa mga kapitbahay hinggil sa talamak at lantarang pagbebenta ng mga suspek ng shabu sa kanilang lugar.
Narekober sa mga ito ang 18 plastic sachet ng shabu, buy-bust money, at mga drug paraphernalia’s.
- Latest